लातूर, दि. 30:- लातूर जिल्ह्यातील खाजगी रुग्णालये आणि क्लिनिक यांच्या माध्यमातून देण्यात येणाऱ्या वैद्यकीय सेवा लॉकडाउनच्या पार्श्वभूमीवर सुरूच ठेवाव्यात असे आवाहन वैद्यकीय शिक्षण मंत्री व सांस्कृतिक कार्यमंत्री तथा लातूर जिल्ह्याचे पालकमंत्री अमित विलासराव देशमुख यांनी केले आहे. करोना विरुद्धच्या लढ्यात वैद्यकीय व्यावसायिकांची महत्वाची भूमिका आहे. .
सामान्य माणसांना मिळणाऱ्या आरोग्य सेवा सुरूच राहाव्यात हीच शासनाची भूमिका आहे.याबाबत लातूर येथील इंडियन मेडिकल असोसिएशनचे अध्यक्ष डॉक्टर अजय जाधव यांच्याशी त्यांनी चर्चा केली आहे. जिल्ह्यातील वैद्यकीय व्यावसायिकां प्रमाणेच इंडियन मेडिकल असोसिएशन, निमा असोसिएशन व या क्षेत्रातील अन्य संघटनांनीही पुढाकार घ्यावा आणि कोविड 19 विरुद्ध सुरू असलेल्या लढ्यात शासनाला सहकार्य करावे असे आवाहनही पालक मंत्री देशमुख यांनी केले आहे.
No comments:
Post a Comment