श्री.तुळजाभवानी देवीजींची मुरली अलंकार महापूजा

                  

शारदीय नवरात्र महोत्सव - 2023

धाराशिव, शारदीय नवरात्र महोत्सवात आज 19 ऑक्टोबर रोजी गुरुवारी पाचव्या माळेच्या दिवशी श्री.तुळजाभवानी देवीची ललित पंचमीनिमित्त मुरली अलंकार महापूजा करण्यात आली. श्री.तुळजाभवानी देवीचे हे रुप अत्यंत मनमोहक आहे.

               श्री. तुळजाभवानी देवीची आज नित्योपचार पुजा आणि अभिषेक पूजेनंतर मुरली अलंकार महापूजा मांडण्यात आली.चौथ्या माळेपासून विविध अलंकार रुपातील श्री.देवीजींची पूजा मांडण्यात येत आहे. 

                   दररोज नियमित श्री. तुळजाभवानी देवीजींचे विविध धार्मिक विधी विधीवत पार पाडले जातात.उद्या 20 ऑक्टोबर रोजी शेषशाही अलंकार महापूजा, 21 ऑक्टोबर रोजी भवानी तलवार अलंकार महापूजा आणि 22 ऑक्टोबर रोजी महिषासूर मर्दिनी अलंकार महापूजा होणार आहे.    ‌       तत्पूर्वी,काल 18 ऑक्टोबर रोजी बुधवारी रात्री 10 वाजता चौथ्या माळेच्या दिवशी श्री.देवीजींची छबिना मिरवणूक गरुड वाहनावरुन काढण्यात आली.

                        ****