लातूर दि 17:- संपूर्ण जगभरात 21 जून हा आंतरराष्ट्रीय योग दिन म्हणून साजरा करण्यात येत असतो. या दिनाचे औचित्य साधून लातूर जिल्ह्यातील जास्तीत जास्त नागरिकांनी सुदृढ आरोग्यासाठी नियमित योगासने करण्याचा संकल्प करावा, असे आवाहन जिल्हाधिकारी जी. श्रीकांत यांनी केले.
जिल्हाधिकारी कार्यालयात 21 जून रोजी साजरा करावयाच्या जागतिक योग दिनानिमित्त च्या पूर्वतयारी आढावा बैठकीत जिल्हाधिकारी श्रीकांत बोलत होते.यावेळी मुख्य कार्यकारी अधिकारी विपीन इटनकर, निवासी उपजिल्हाधिकारी आनंत गव्हाणे,अतिरिक्त पोलीस अध्यक्ष हिम्मत जाधव, आरोग्य उपसंचालक डॉ. एकनाथ माले, जिल्हा शल्यचिकित्सक डॉ. संजय ढगे, आयुष् अधिकारी श्रीमती सय्यद यांच्यासह इतर विभागाचे अधिकारी तसेच पतंजली योग,आर्ट ऑफ लिव्हिंग व ब्रह्माकुमारी या स्वयंसेवी संस्थांचे प्रतिनिधी उपस्थित होते.
जिल्हाधिकारी श्रीकांत पुढे म्हणाले की, योग दिनाच्या माध्यमातून जिल्ह्याच्या प्रत्येक गावातील शेवटच्या घटकापर्यंत योगासनाचे फायदे पोहोचवावेत. नागरिकांना त्यांच्या सुदृढ आरोगयाबाबत प्रबोधन करावे व याकरिता पतंजली योग, ब्रह्माकुमारी या संस्थांनीही अधिक कार्यक्षमपणे पुढाकार घ्यावा असे आवाहन त्यांनी केले.
प्रत्येकाने योगासने केली पाहिजेत. ही एक निमित्त चालणारी प्रक्रिया असून "Do Yoga No Roga" या उक्तीप्रमाणे प्रत्येकाने नियमित योगा केल्यास आजार पण दूर जाईल, असे जिल्हाधिकारी श्रीकांत यांनी सांगून प्रत्येक नागरिकांनी आपल्या सुदृढ आरोग्यासाठी योगासने करण्याचे आवाहन केले.
दिनांक 23 जून 2019 रोजी जिल्हा क्रीडा संकुलाच्या प्रांगणात सकाळी सहा ते सात या कालावधीत होणाऱ्या सामुदायिक योगासने कार्यक्रमास जिल्ह्यातील सर्व लोकप्रतिनिधी, पदाधिकारी शालेय व महाविद्यालयीन विद्यार्थी व नागरिकांनी मोठ्या संख्येने उपस्थित राहावे असे आवाहन जिल्हाधिकारी श्रीकांत यांनी करून या कार्यक्रमाच्या यशस्वीतेसाठी संबंधित सर्व विभागाने योग्य ती दक्षता घेऊन दिलेली जबाबदारी चोखपणे पार पाडण्याचे निर्देश ही त्यांनी यावेळी दिले.
प्रारंभी आरोग्य विभागामार्फत दिनांक 21 जून रोजी होणाऱ्या जागतिक योग दिनाच्या कार्यक्रमाचे मिनिट टू मिनिट सादरीकरण करण्यात आले व संबंधित शासकीय यंत्रणा ची जबाबदारी व पतंजली योग व ब्रह्मकुमारी या संस्थांचे या कार्यक्रमातील सहभागाची माहिती देण्यात आली.
No comments:
Post a Comment