Followers

Friday 31 August 2018

पाणंद रस्ते योजनेचा निधी जलयुक्तचे कामे करणाऱ्या गावांनाच देणार -पालकमंत्री संभाजी पाटील निलंगेकर


लातूर,दि:31:- जलसंधारणाची कामे शंभर टक्के पूर्ण करणाऱ्या गावांनाच पालकमंत्री पाणंद रस्ते योजनेतर्गत्‍ निधी प्रदान करण्यात येईल. त्यामुळे गावातील सरपंच, उपसरपंच,ग्रामसेवक आणि शेतकरी बांधवांनी आपल्या गावातील कामांचा आराखडा येत्या आठ दिवसात सादर करावेत असे आवाहन पालकमंत्री संभाजी पाटील निलंगेकर यांनी केले. 
जलयुक्त शिवार अभियान मृद व जलसंधारण विभाग व भारतीय जैन संघटना यांच्या सामंजस्य कराराप्रमाणे जलसंधारण कामे अंमलबजावणी आयोजित कार्यशाळेच्या निमित्ताने जळकोट,अहमदपूर व चाकूर येथे बोलत होते. या कार्यशाळेस जिल्हा परिषदेचे अध्यक्ष मिलिंद लातूरे, जिल्हा परिषद उपाध्यक्ष तिरुके,जिल्हाधिकारी जी.श्रीकांत आदि मान्यवर उपस्थित होते. 
पुढे बोलताना पालकमंत्री म्हणाले की दुष्काळाचा आजार मुळासकट नष्ट करण्यासाठी प्रत्येक गावातील सरपंच, उपसरपंच,ग्रामसेवक, प्रगतशील शेतकरी व सर्व ग्रामस्थांनी आपल्या गावातील जलयुक्तशिवार संबंधी जलसंधारणाच्या सर्व अपूर्ण कामांचा आराखडा तयार करुन सादर करणे आवश्यक आहे. या साठी गावपातळीवरुन बैठका घेऊन एकमेकांना गावातील प्रश्ना बाबत अवगत करावे आणि आपल्या गावाला सुजलाम सुफलाम करण्याच्या दिशेने हातभार लावणे गरजेचे आहे. 
लातूर जिल्हयाला कायम स्वरुपी दुष्काळमुक्त करण्याचा अभियानाचा शुभारंभ 30 सप्टेंबर 2018 पासून या किल्लारी येथून होणार आहे. याच दिवशी जिल्हयातील कामांच्या अंतिम आराखडयाची घेाषणाही केली जाणार आहे. भारतीय जैन संघटनेच्या वतीने मिळणाऱ्या जे.सी.बी आणि पोकलेनला आधुनिक चिप जोडण्यात आल्याने कामांची गती आणि कुशलता वाढणार आहे. जलद गतीने कामे पूर्ण करण्याच्या उद्देशाने वाहनाच्या ठिकाणी इंधनाचा पुरवठा केला जाईल असे ही ते यावेळी म्हणाले.
गावातील गणेश मंडळांनी या गणेशोत्सवात प्रत्येक घराबाहेर एक शेाष खड्डा तयार करण्याच संकल्प करावा.शोष खड्डयामुळे भुगर्भातील पाणी पातळी वाढते आणि टंचाईला मात करण्यासाठी हा सर्वोत्तम उपाय आहे.जलसंधारणाच्या या कामांना शंभर टक्के पूर्ण करुन लातूर जिल्हा कायमचा दुष्काळमुक्त करण्यासाठी जिल्हा प्रशासश्न ,जिल्हा परिषद पंचायत समित्या , जलसंधारण विभाग आणि शासन पूर्ण ताकतीने ग्रामस्थांच्या पाठीशी उभे असल्याचेही त्यांनी यावेळी सांगितले.
कार्यशाळेस मार्गदर्शन करतांना जिल्हाधिकारी जी.श्रीकांत म्हणाले की लातूर जिल्हा वासियांना हरित लातूर करण्याची सुवर्णसंधी मिळाली आहे.राज्यातील फक्त पाच जिल्हे भारतीय जैन संघटनेला जलसंधारणाच्या कामासाठी मिळाले आहेत. त्यामध्ये आपल्या जिल्हयाचा समाविष्ठ झाल्याने लातूर कायमचा दुष्काळमुक्त करण्यासाठी ही सर्वात मोठी संधी आपल्याला मिळाली आहे. त्यामुळे सर्व गावांनी वेळेत आपले आराखडे सादर करावेत असे त्यांनी सांगितले. जळकोट,अहमदपूर व चाकूर येथील कार्यशाळेस संबंधित नगराध्यक्ष,नगरपंचायतीचे आध्यक्ष,सभावती,तसेच जिल्हा परिषदेचे उपाध्यक्ष श्री.तिरुके,समाज कल्याण सभापती संजय दोरवे, संबंधित तालुक्याचे तहसिलदार, जिल्हा कृषि अधिक्षक श्री.आळसे,सरपंच,ग्रामसेवक,कृषि सहाय्यक, तलाठी मोठया संख्येने उपस्थित होते. या तिन्ही कार्यशाळेचे प्रास्ताविक प्र. उपविभागीय अधिकारी डॉ.लोखंडे यांनी केले.


Wednesday 29 August 2018

गणेशमंडळाकडून लातूर जिल्हा दुष्काळमुक्त करुन नवीन पॅटर्न निर्माण करण्याचे पालकमंत्र्यांचे आवाहन


     लातूर दि. 29- लातूर  जिल्हा हा पॅटर्न  निर्माण करणारा  जिल्हा म्हणून ओळखला जातो.गेल्या दोन वर्षात जिल्हयातील नागरिकांनी लातूरला टॅकरमुक्त  करण्यासाठी केलेल्या  परिश्रमामुळे आज लातूर जिल्हा टँकरमुक्त झाला आहे. या प्रमाणे जर जिल्हयातील जवळपास 1800 गणेश मंडळानी लातूर जिल्हा दुष्काळ मुक्त करण्याचा संकल्प केला तर हा पुन्हा एक नवीन पॅटर्न निर्माण होईल.आपल्या गावात , भागात,प्रभागत गणेश मंडळाने शोश खड्डे ,विहीर पुर्नभरण छतावरील पाणी जल पुर्नभरण   कामे केली तर लातूर जिल्हा कायमाचा दुष्काळमुक्त होईल असे प्रतिपादन जिल्हयाचे पालकमंत्री  संभाजी पाटील निलंगेकर यांनी केले.
     लातूर येथे  कस्तुराई मंगल कार्यालय येथे लातूर पोलीस अधिक्षक कार्यालयामार्फत आयोजित सार्वजनिक  गणेश उत्सव  पूर्व तयारी बैठकीच्या निमित्ताने पालकमंत्री अध्यक्षीय भाषणात बोलत होते.या कार्यक्रमात खासदार सुनिल गायकवाड ,जिल्हाधिकारी जी.श्रीकांत,पोलिस अधिक्षक राजेंद्र माने,जिल्हा परिषद मुख्यकार्यकारी अधिकारी,विपीन ईटनकर,जि.प.अध्यक्ष मिलींद लातूरे,महापौर सुरेश पवार, जिल्हयातील गणेश मंडळाचे अध्यक्ष  व पोलीस खात्याचे अधिकारी उपस्थित होते.
     पालकमंत्री म्हणाले की, गणेशोत्सव  हा सामाजिक बांधिलकी आणि सलोख्याचा सण आहे.या सणाला शांततेत पार पाडावे तसेच पोलीस प्रशासनाला बंदोबस्त आणि कायदा सुव्यवस्था कायम ठेवण्यास मंडळानी मदत करावी आणि हा उत्सव डिजे मुक्त साजरा करण्याचे आवाहन त्यांनी केले.
    यावर्षी लातूर जिल्हयातील गणेशोत्सवाची  थीम पाणी आणि झाड असे ठेवण्याचेही त्यांनी आवाहन त्यांनी केले.या बरोबरच त्यांनी प्रत्येक तालुक्यातील जी गणेश मंडळे वृक्षारोपण,जलपुर्नभरणाची कामे शंभर टक्के करतील अशा प्रत्येक तालुक्यास प्रथम ,व्दितीय,आणि तृतीय पारितोषीक देण्याचे घोषणाही केले.
या वेळी खासदार सुनिल गायकवाड,जिल्हाधिकारी जी.श्रीकांत ,पोलीस अधिक्षक राजेंद्र माने आणि विविध गणेश मंडळाचे अध्यक्षांनीही मनोगत व्यक्त केले ,तत्पुर्वी पालकमंत्री यांचा गणेशोत्सव काळात जलपूर्नभरण आणि वृक्षारोपणास प्रोत्साहन देणारा व्हिडीओ संदेशही दाखवीण्यात आला.